Aqtaýda «Bolashaqqa senimmen» jastar jıyny ótti

AQTAÝ. QazAqparat - Mańǵystaýdyń belsendi jastarynyń lageri ótti, dep habarlaıdy QazAqparat tilshisi.

Sharaǵa óńirde belsendi bolyp júrgen 60-qa jýyq jas qatysty. Lagerde qatysýshylar arasynda toptyq rýh qalyptastyryp, krızıstik sıtýatsııalar shyǵý joldaryn izdestirip, logıkalyq jáne synı oılaý qabiletin arttyrýǵa baǵyttalǵan «Jiptik» kýrsy, «Suraq-Jaýap» ınttelektýaldy oıyny, este saqtaý qabiletin arttyrý maqsatyndaǵy «64 kvadrat» jattyǵýy jáne taǵy basqa sporttyq oıyndardan turǵan «Bolashaqqa baǵdar: oılan, izden, tap» kvesti uıymdastyryldy.

Óńirlik jastar lageri úsh kúnge sozyldy.

«Atalǵan jastar lageri – árbir qatysýshy jastyń ózin-ózi damytý qabiletin ashyp, áleýetin arttyrý úshin uıymdastyrylyp otyr. Lager baǵdarlamasy – beıresmı ómir boıy bilim alý arqyly daǵdylar men quzyretterdiń ósýine zor áser etetindigin eskerildi. Jastar lagerine alǵash qatysyp otyrǵan, ártúrli sanattaǵy jastardyń basyn qosqan aýqymdy sharadan kúterimiz de, qatysýshylarǵa bererimiz kóp boldy»,-deıdi Mańǵystaý oblysynyń jastar resýrstyq ortalyǵynyń dırektory Abylaı Fazylbek.

Jastar lageriniń qatysýshylaryna sertıfıkattar tabystaldy.