Aqtaýda «bankti jarǵan» telefon lańkesine úkim shyqty

ASTANA. QazAqparat - Aqtaý qalalyq sotynda terrorızm aktisi týraly jalǵan habarlama bergen azamatqa úkim shyqty, dep habarlaıdy QazAqparat tilshisi Aqtaý qalalyq sotynyń baspasóz qyzmetine silteme jasap.

Sottalýshy 2018 jyldyń 29 qańtarynda Almaty qalasynda ornalasqan «Nurbank» AQ-nyń «25-52» nomerli tegin jelisine shyǵyp, «Aqtaý qalasyndaǵy banktiń fılıalyn jaratynyn» aıtqan. Sot aıypqa tartylǵan azamattyń bul isti terrorızm aktisi týraly kórineý jalǵan habarlaý maqsatynda jasaǵanyn anyqtaǵan.

«Osydan keıin oqıǵa bolǵan jerge Mańǵystaý oblystyq ІІD, TJD, Aqtaý qalalyq jedel jáne shuǵyl medıtsınalyq járdem stansasy bardy», - dep habarlady sottyń baspasóz qyzmetinen.

Aqtaý qalalyq sotynyń  úkimimen jalǵan terrorıst QR QK-niń 273-baby boıynsha aıypty dep tanylyp, oǵan 1 jyl 6  aı bas bostandyǵynan aıyrý jazasy taǵaıyndaldy. Alaıda QR QK-niń 63-babyna saı taǵaıyndalǵan bas bostandyǵynan aıyrý jazasy sol merzimge shartty túrge aýystyrylyp, oǵan probatsııalyq baqylaý belgilendi. Úkim zańdy kúshine engen joq.