Aqtaýda balasyn óltirip alǵan anaǵa qatysty úkim shyqty

AQTAÝ. QazAqparat – Aqtaý qalalyq soty qyzyn uryp-soǵyp, abaısyzda óltirip alǵan áıelge qatysty úkim shyǵardy, dep habarlaıdy QazAqparat Aqtaý qalalyq sotynyń baspasóz qyzmetine silteme jasap.

Aqtaý qalalyq soty 2022 jylǵy 10 maýsymdaǵy úkimimen abaısyzda jábirlenýshiniń ólimine ákep soqqan densaýlyqqa qasaqana aýyr zııan keltirdi dep aıyptalǵan sottalýshy I.-ǵa qatysty qylmystyq isti qarady (QK 106-baby 3-bólimi).

I esimdi azamat bıylǵy 4 qańtarda kishkentaı qyzyn uryp, ony bar kúshimen ıterip jibergen kezde balada gematoma paıda boldy. 8 qańtar kúni shamamen túngi saǵat 2-de ashýǵa ábden býlyqqan áıel búldirshin qyzynyń ish qýysynan judyryǵymen qaıta soqqy jasady. Odan keıin balany jalǵyz qaldyryp, ketip qalǵan. Kishkentaı balanyń máıitine júrgizilgen sot-medıtsınalyq saraptamasynyń qorytyndysyna sáıkes, ólim ish qýysynyń jaraqaty saldarynan bolǵan.

Sot úkimi boıynsha, I. QK 106-babynyń 3-bóliminde kózdelgen qylmystyq quqyq buzýshylyq jasaǵany úshin kináli dep tanylyp, 8 jyl jylǵa sottaldy.