Aqtaýda «Ájeden ǵıbrat» klýby quryldy

AQTAÝ. QazAqparat - Aqtaý qalasynda ulttyq qundylyqtardy ulyqtaý maqsatynda «Ájeden ǵıbrat» klýby quryldy, dep habarlaıdy QazAqparat tilshisi

Sanaly tárbıe men salt-dástúrdi jas urpaq boıyna sińirý úshin olar tanymdyq sabaqtar ótkizedi. 16 aqpan kúni klýb músheleri «Microsoft Teams» onlaın platformasynda bas qosyp, alǵashqy kezdesý ótkizdi.

Aqtaý qalasyndaǵy Nazarbaev Zııatkerlik mektebiniń 7-synyp oqýshysy Zere Qurmanbaıdyń ájesi Rysty Dıýmbaeva urshyq ıirý joldaryn kórsetti.

Klýb músheliginde 7, 8 jáne 11-synyp oqýshylarynyń ájeleri bar. Olar ázirge «Halqyn súıgen - saltyn súıer», «On saýsaǵynan bal tamǵan», «Qazaq – qonaqjaı halyq» atty úsh taqyrypta sabaq ótkizedi.

Ájeler aldaǵy ýaqytta ulttyq sýsyndar men taǵamdardy daıyndaý ádisin kórsetedi. Budan bólek, kıiz úı jabdyqtary men toqyma toqý, oıý bastyrýdy úıretedi