Aqtaýda áıeldi óltirip, 3 mln teńgesin urlaǵan qylmysker ustaldy

AQTAÝ. QazAqparat – Aqtaýda áıel adamdy óltirip, 3 mıllıon teńgesin urlaǵan qylmysker ustaldy, dep habarlaıdy QazAqparat tilshisi oblystyq polıtsııa departamentine silteme jasap.

Buǵan deıin Aqtaýdaǵy turǵyn úılerdiń birinen áıel adamnyń máıiti tabylǵanyn jazǵan edik.

Departamenttiń baspasóz qyzmetiniń málimetinshe, qandy oqıǵany tergep-tekserý barysynda qaza tapqan áıeldiń «Kaspi Gold» kartasynan úsh mıllıon teńge somasyndaǵy qarajaty joǵalǵandyǵy anyqtalǵan.

Jedel-izdestirý sharalary barysynda Túpqaraǵan aýdanyndaǵy Taýshyq aýylynda krımınaldyq polıtsııa qyzmetkerleri kúdiktini anyqtap, ustady.

Ustalǵan azamat kinásin moıyndady. Tintý kezinde polıtseıler odan 2 mıllıon 500 myń teńge aqsha qarajatyn tárkiledi.

Kúdikti Aqtaý qalasy polıtsııa basqarmasynyń ýaqytsha ustaý ızolıatoryna qamaldy.

Atalǵan fakti boıynsha Qazaqstan Respýblıkasy Qylmystyq kodeksiniń 99-baby «Adam óltirý» boıynsha qylmystyq is qozǵaldy.

Sot-medıtsınalyq saraptama taǵaıyndaldy.