Aqtaýda aıaq astynan búrge qaptap ketti
Turǵyndar Aqtaý qalasynyń tómengi shaǵynaýdandarynda, atap aıtsaq, 2, 3, 5, 6, 8, 13, 14 jáne 27 shaǵynaýdandarda búrge kóbeıgenin aıtyp shaǵymdanǵan.
Olar servıstik kompanııalar men ákimdikten jertólelerdi dezınfektsııalaýdy suraıdy.
Al Aqtaý qalalyq turǵyn úı ınspektsııasynyń málimetinshe, qazirdiń ózinde jertólelerdi búrgelerden sanıtarlyq tazartý jumystary júrip jatyr.
Keıbir úılerge dezınfektsııa jumystary birneshe ret júrgizilgen.
«Aqtaý qalasyndaǵy kóppáterli úılerdiń jertólesinde búrgege qarsy ýlaý jumysy júrgizilip jatyr. Keı úılerdi qaıtadan ýlap jatyrmyz. Máselen, 6-shy shaǵynaýdandaǵy №33 úıdi osymen altynshy ret búrgege qarsy dárimen ýlap jatyr. Negizi turǵyndar búrgeniń kóbeıýin dalada júrgen mysyqtardan kórip otyr. Oıyn alańdarynda, turǵyn úılerdiń aınalasyndaǵy alańdarda búrge qaptap ketti deıdi turǵyndar», - deıdi Aqtaý qalalyq turǵyn úı ınspektsııasynyń ókilderi.
Al janýarlardy qorǵaýshylar búrgelerdiń kóbeıýiniń sebebi basqa bolýy múmkin deıdi.
«Qańǵybas janýarlar buǵan deıin de bolǵan. Biraq nege dál osy jyly búrgeden osyndaı problema týyndady? Biz bárine janýarlardy kinálaımyz. Biraq PIK óz kinásin kórmeı otyr. Byltyr mysyqtar kirip ketpesin dep jertóleni bitedi. Aýa aınalymy bolýy kerek dep eskerttik. Bıyl jertólede ylǵal kóp bolǵandyqtan búrge paıda bolǵan. Mysyqtardy ańdyǵansha jertólelerdiń jaǵdaıyn baqylaý kerek», - deıdi zooqorǵaýshy Irına Bolatova.