Aqtaýda avtobýs túsip ketken jol ústindegi oıyqqa asfalt tóselip jatyr

AQTAÝ. QazAqparat - Aqtaýdaǵy 22-inshi shaǵyn aýdandy kókteı ótip jatqan №9 joldaǵy 2 sharshy metrdeı shuńqyr biteldi, qazirgi ýaqytta bul jerge jańa tas jol tóseý jumystary bastalyp ketti, dep habarlaıdy «QazAqparat» HAA tilshisi.

Aıta keteıik, keshe osy oıyqqa «MAEK-Kazatomprom» JShS-i avtobýsynyń dóńgelegi túsip ketken. «Qala joldary» JShS mamandary tańerteńnen beri bul máseleni sheshý isine kiristi. 

«3-4 jyl buryn bul jerdiń astyna qubyr jelisi ornatylǵan, onyń jumystaryn merdiger uıymdar atqardy. Biraq ol asfalttiń shógýine sebep bolýy múmkin emes. Shuńqyr jaqynda jaýǵan jańbyr saldarynan boldy. Keı jerlerinde aýa qalyp qoıǵan sııaqty. Shuńqyrdyń aýmaǵy 2 sharshy metrdi qamtysa da, biz 12 sharshy metr joldy jóndeýge daıyndap jatyrmyz. Tańerteńnen bastap shuńqyr oryny tazalanyp, jańa asfalt tóseý jumystary bastaldy», - dedi «Qala joldary» JShS-iniń óndiris jónindegi dırektory orynbasarynyń ýaqytsha mindetin atqarýshy Asqar Jumashev.