Aqtaýda áskerı bólimge qaıtyp kelmegen sarbaz izdestirilip jatyr

<p>AQTAÝ. KAZINFORM - 20 shilde kúni Aqtaý qalasyndaǵy 6656-áskerı bóliminde jas sarbazdardyń áskerı ant qabyldaý rásimi ótkizildi.</p>

QR Ulttyq ulany «Batys» óńirlik qolbasshylyǵynyń baspasóz qyzmetinen málim etkenindeı, 21 shilde kúni ant qabyldaǵan jas sarbazdar qalalyq seıildemege ózderiniń ata-analarymen birge keshki saǵat 18.00-ge deıin jiberildi.

«21 shilde kúni belgilengen ýaqytta (saǵat 18.00-de) tekserý barysynda Aqtóbe oblysynan shaqyrtylǵan sarbazdyń qalalyq seıildemeden kelmegeni anyqtaldy. Qazirgi ýaqytta qatardaǵy jaýyngerdi izdestirý sharalary júrgizilýde. Qyzmettik tekseris taǵaıyndaldy, oqıǵanyń mán-jaıy men sebebi anyqtalý ústinde», dep habarlady vedomstvodan.