Aqtaýda as úıdegi krannan kógildir sý aqty
18:44, 19 Qyrkúıek 2018
AQTAÝ. QazAqparat - Aqtaýdaǵy 5 shaǵynaýdan turǵyny salqyn sýdy ashyp, óz kózine ózi senbegen. Sebebi, aldyndaǵy krannan móldir emes, kók tústi sý aqqan, dep habarlaıdy QazAqparat tilshisi.
Tańǵalǵan áıel sýdy bir bankaǵa toltyryp alady. Ony turǵyn úı-paıdalaný keńsesine aparady. Mamandar sýdyń kók túske boıalǵanyna «MAEK» JShS jaýap beretinin aıtqan.
«MAEK-Qazatomónerkásip» JShS bas dırektorynyń keńesshisi Qolǵanat Nurjaýbaıulynyń aıtýynsha, kásiporyn qalaǵa sýdy móldir kúıinde jetkizedi. «Kók túske aınalýynyń sebebin basqa jerden izdeý kerek» deıdi ol.