Aqtaýda aralas jekpe-jek sheberiniń máıiti tabyldy

<p>ASTANA.KAZINFORM &ndash; Ǵalamtorda Aqtaýdaǵy 3-shaǵyn aýdannan tabylǵan er adamnyń denesi týraly aqparat tarady. <a href="https://www.lada.kz/aktau_news/incidents/128532-trup-byvshego-boitsa-mma-obnaruzhili-v-aktau.htm" target="_blank" rel="noopener">Lada.kz </a>tilshisiniń málimetinshe, ol buryn túrli týrnırlerge qatysqan jekpe-jek sheberi. l</p>

WhatsApp messendjerinde 3-shaǵyn aýdanyndaǵy qoqys konteınerleriniń janynan denesi tabylǵan aralas jekpe-jek sportshysy Výsal Jafarovtyń sýretteri tarady. Onyń dene pishini buzylǵan, tolyq isingen, qaraıǵan.

Polıtsııa departamenti aqparatty rastady. Máıit bir kún buryn, ıaǵnı 20 qyrkúıekte tabylǵan.

-Tabylǵan máıit boıynsha sotqa deıingi tergeý bastaldy. Saraptama taǵaıyndaldy. Tergeý jalǵasyp jatyr. Basqa málimetter tergeý múddesi úshin jarııalanbaıdy, - delingen vedomstvo málimdemesinde.

Qoldanýshylar Výsal Jafarovty uryp-soqqanyn, denesi kóshede birneshe kún boıy jatyp qalǵanyn jazdy.

Ashyq aqparat kózderine súıensek, Výsal Jafarov 1994 jyly 10 qańtarda dúnıege kelgen. Kásibı mansabyn 2015 jyly bastady. Ol tórt jekpe-jek ótkizip, bireýinde jeńiske jetip, úsheýinde jeńilgen.