Aqtaýda aqaý shyqqan magıstraldyq qubyr 40 jyldan beri aýystyrylmaǵan

<p>Aqtaýda birneshe shaǵyn aýdandy jylýmen qamtıtyn magıstraldyq jylý qubyrynda jóndeý jumystary aıaqtaldy. Apattyq orynda &laquo;Kaspıı jylý, sý arnasy&raquo; MKK mamandary jóndeý jumystaryn júrgizdi, dep habarlaıdy <a href="Kazinform" target="_blank" rel="noopener">Kazinform</a>.</p>

Aqaý shyqqan magıstarldyq qubyr 1979 jyly tartylǵan.

- Keshe magıstraldyq 800 dıametrlik qubyrda aqaý shyǵýyna baılanysty birneshe shaǵyn aýdandarda shekteý engizildi. Soǵan sáıkes, «Kaspıı jylý, sý arnasynyń» qyzmetkerleri jumyldyrylyp, aqaýdy rettedi. Sonymen qatar, oblys ákiminiń tóraǵalyǵymen osynda shuǵyl shtab ótkizilip tıisinshe tapsyrmalar berildi. Atalǵan qubyr 1979 jyly salyndy. Keshe aqaý shyǵyp, 9 metrdeı qubyr aýystyryldy. Jaz mezgilinde magıstraldyq qubyrlarǵa opressovka júrgizildi. Jalpy jaz mezgilinde 9 bloktyq-modýldik qazandyqtar ornatyldy. Oǵan qosymsha 90 gıgokalorıı jylý qosymsha berildi. Sonymen qatar, qalada qysymdy kóteretin 7 stantsııa ornatyldy. Qazirgi tańda tehnıkalyq zertteý júrip jatyr. Osy qubyrdy aýystyrýǵa kelesi jylǵa josparladyq. Sonymen qatar 19 joba saraptamanyń oń qorytyndysyn alyp, merdigerler anyqtaldy. Tómengi shaǵynaýdandardan bastap jumystar osy jylytý maýsymy bitkennen keıin bastalatyn bolady. Sondyqtan qurmetti Aqtaý qalasynyń turǵyndary bul másele tikeleı oblys ákiminiń jáne meniń baqylaýymda turǵanyn jetkizgim keledi, - dedi qala ákimi.

Jalpy Aqtaý qalasynda 438 shaqyrym jylý jelisiniń 72% tozyǵy jetken. 464 shaqyrym sý jelisi bar, onyń 88% tozyǵy jetken.