Aqtaýda 9,6 myń adam úı kezeginde tur

AQTAÝ. QazAqparat - Aqtaý qalasynda baspanaǵa muqtaj 9 632 adam tirkeýde tur. Bul týraly qala ákimi Ǵalymjan Nııazov málim etti, dep habarlaıdy QazAqparat tilshisi.

Onyń aıtýynsha, tizimdegi 3 477 turǵyn halyqtyń áleýmettik jaǵynan osal toptaryna jatady. Olar — kópbalaly otbasylar.

«569-sy – jetim bala, 21-i – baspanasy apatty jaǵdaıda dep tanylǵandar, 5 564-i – memlekettik qyzmetshi, bıýdjettik uıymdardyń qyzmetkeri jáne t.b, 477-i — tolyq emes otbasylar, 1 398-i — múgedek bala tárbıeleýshi otbasy, 581-i – zeınetker, 166-sy — 1 jáne 2-top múgedekteri, 787-i — UOS ardagerleri men múgedekterine teńestirilgender, 65-i – oralman», - dedi Ǵalymjan Nııazov.

Onyń ishinen «Baqytty otbasy» baǵdarlamasyna qatysýǵa 2 456 otbasy nıet bildirip otyr.

Kópbalaly analardyń turǵyn úı máselesin sheshý úshin respýblıka bıýdjetinen óńirge 1,695 mlrd teńge bólindi. Osy maqsatta memleket 2018-2019 jyldary berilgen turǵyn úıden 205 páter satyp almaq.