Aqtaýda 83 jastaǵy qarııa vaktsına alǵannan keıingi jaǵdaıy týraly aıtty

AQTAÝ. QazAqparat - Aqtaýlyq 83 jastaǵy zeınetker vaktsınadan keıingi jaǵdaıyn aıtyp berdi, dep habarlaıdy QazAqparat tilshisi.

Zorıa Pogýlıaeva koronavırýs ınfektsııasyna qarsy ekpeniń eki komponentin aldy. Ol I komponentti sáýir aıynda saldyrǵan. Áýeli alǵashqy medıtsınalyq tekserýden ótip, dárigerden keńes aldy. Vaktsınadan keıin zeınetkerdiń aǵzasynda eshqandaı teris áser baıqalǵan joq.

Onyń aıtýynsha, januıanyń saýlyǵy úshin mańyzdy naýqanǵa beı-jaı qaramaı, otbasynyń barlyq múshesi erikti túrde ekpe aldy. Endi olar bir-biriniń densaýlyǵyna alańdamaı, emin-erkin aralasady.

«Aýyryp em izdegenshe, aýyrmaıtyn jol izde degen. Úıińnen syrtqa shyǵýǵa qorqyp otyrǵansha, vaktsına qabyldap, erkin júrgenge ne jetsin. Sondyqtan oblys turǵyndaryn vaktsınany úı ishimen alýǵa shaqyramyn. Bul oraıda dárigerlerge alǵys aıtam», - dedi zeınetker.