Aqtaýda 76 jasóspirim jappaı tóbeles uıymdastyrdy

<p>Aqtaý qalasynda jappaı tóbeles uıymdastyrǵan 76 jasóspirim polıtsııaǵa jetkizildi, onyń altaýy qamaýǵa alyndy. 56 balanyń ata-anasyna ákimshilik hattama toltyryldy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Balalar shıelenisi 27 qazan, saǵat 23:00 shamasynda 27 jáne 28-shi shaǵynaýdandar arasynda boldy. Olar jol boıynda bir-birine tas, shólmek bótelkeler laqtyrǵan.

«Aqtaý qalasy polıtsııa basqarmasyna 15-18 jas aralyǵyndaǵy 76 tulǵa jetkizildi. Kámeletke tolmaǵan 56 balanyń ata-anasyna QR Ákimshilik quqyqbuzýshylyq týraly kodekstiń 442-baby boıynsha ákimshilik hattama toltyrylyp, jaýapqa tartyldy», - delingen Mańǵystaý oblystyq Polıtsııa departamenti baspasóz qyzmetiniń málimetinde.

Sondaı-aq QR Qylmystyq kodeksiniń 293-baby boıynsha qylmystyq is qozǵalyp, 6 jasóspirim bultartpaý sharasyn qoldaný arqyly qamaýǵa alynǵan.