Aqtaýda 6 metrlik elasmozavrdyń qańqasy jurt nazaryna usynyldy

AQTAÝ. QazAqparat - Á.Kekilbaıuly atyndaǵy Mańǵystaý oblystyq tarıhı-ólketaný mýzeıinde ótken «Ejelgi Tetıs qupııalary» paleontologııalyq kórmesiniń basty eksponaty - ejelgi Tetıs muhıtynyń túbinde ómir súrgen baýyrymen jorǵalaýshy - elasmozavrdyń qaıta qurastyrylǵan qańqa súıegi, dep habarlaıdy QazAqparat tilshisi.

Kórmede kóne dáýirde tirshilik etken janýarlardyń tasqa aınalǵan qazba qaldyqtary kórsetildi. Onda delfınniń tasqa aınalǵan súıekteri, plezıozavrdyń jaq súıegi, tasbaqa qańqasynyń bólshekteri, ıhtıozavr men akýlalardyń tisteri jáne basqa da jádigerler ornalasqan.

«6 metrlik elasmozavrdyń tolyq qańqasyn qaıta qalpyna keltirý jumystaryna 4 aı ýaqyt ketti. Paleontologtar 850 mıllıon jyl buryn tirshilik etken janýardyń moıyn omyrtqasyn ǵana tapqan edi

Qańqa týraly tolyq málimetti alyp, zerttep-zerdelep jumysqa kiristik. Nátıjesi kóz aldaryńyzda tur», - deıdi sýretshi-restavrator Alına Bısembaeva.