Aqtaýda 590 gramm bolyp ómirge kelgen sábı perzenthanadan shyǵaryldy
14:00, 11 Tamyz 2023
AQTAÝ. QazAqparat - Mańǵystaý oblystyq perınataldyq ortalyǵynyń neanotologteri 590 gramm salmaqpen týǵan sábıdi 2 585 gramǵa deıin jetkizip, úıine shyǵardy, dep habarlaıdy QazAqparat tilshisi.
Shala týǵan sábı sáýir aıynda dúnıege kelgen. Munaıly aýdanynyń turǵyny júktiliktiń 23-aptasynda salmaǵy 590 gramm, boıy 28 sm náreste bosandy. Bul ekstremaldy óte tómen dene salmaǵy sanalady.
«Ortalyqtaǵy neanotologter men mamandardyń kásibı sheberligi, erekshe kútimi jáne anasynyń sheksiz mahabbaty arqasynda náresteniń densaýlyǵy jaqsardy. Osylaısha, 102 táýlikte sábıdiń salmaǵy 2 585 gramm, boıy 43 sm bolyp úıine shyǵaryldy», - dep málim etti Mańǵystaý oblystyq densaýlyq saqtaý basqarmasynyń baspasóz qyzmetinen.