Aqtaýda 3 baldyq jer silkinisi sezildi

<p>Aqtaý turǵyndary búgin tańerteń jer silkinisin sezgen. Qalanyń tómengi shaǵyn aýdandarynda turatyndar dúmpýdi jergilikti ýaqyt boıynsha shamamen saǵat 9:20-da anyq baıqaǵan, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Jergilikti telegram kanaldardyń birinde turǵyndar jer silkinisi sezilgenin habarlady. 

«Jer silkindi ma?» — dep jazdy aqtaýlyqtardyń biri. 

Oǵan jaýap bergen qalanyń 4, 6, 12 jáne 17 shaǵyn aýdan turǵyndary jer silkinisin sezingenderin aıtty.

«Iá, jer silkingenin baıqadyq. Úıdegi zattar qozǵaldy». «Kádimgideı sezildi». «Iá, silkindi», — dep jazdy olar. 

«Seısmologııalyq tájirıbe-ádistemelik ekspedıtsııasy» JShS 7 jeltoqsan kúni Almatydan 2289 km jerde, ıaǵnı Ázerbaıjan aýmaǵyndaǵy Kaspıı teńizinde jer silkinisi bolǵany tirkelgen.

Jer silkinisiniń magnıtýdasy — 5.7. Epıtsentr koordınaty — 41,09° s. e. 49,71° sh. b. Tereńdigi — 35 km. MSK-64 shkalasy boıynsha Aqtaýda 3 baldyq jer silkinisi sezilgen», — delingen habarlamada.