Aqtaýda 20 mıllıonynshy sábılermen bir kúnde 19 bala ómirge keldi

<p>Aqtaý qalasynda oblystyq &laquo;Ana men bala&raquo; perınataldyq ortalyǵynda elimizdiń 20 mıllıonynshy turǵyny atanǵan 19 sábıdiń dúnıege kelý qurmetine is-shara ótti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

14 qarasha kúni «Ana men bala» perınataldyq ortalyǵynda dúnıege esigin ashqan sábılerdiń 9-y – qyz, 10-y – er bala.

«Elimizde týý kórsetkishi joǵary bolǵandyqtan, halqymyz boljamdy ýaqyttan erte 20 mıllıon boldy. Jyl basynan beri oblys boıynsha 17 526 náreste dúnıege keldi. Bul – biz úshin qýanyshty jańalyq. Qazaqstandyqtardyń kóbeıýine analardyń qosyp jatqan úlesi zor. Olarǵa tek densaýlyq tileımiz. Deni saý ana – deni saý urpaq», - dedi Mańǵystaý oblystyq «Ana men bala» perınataldyq ortalyǵynyń dırektory Japyraq Epenova.

Іs-sharada 19 anaǵa da qurmet kórsetildi. Qurmet kórsetilgenderdiń qatarynda aqtaýlyq Álııa Mýsaeva da bar. 15 jyldan keıin sábıli bolǵan ol qos qýanyshtyń qatar kelgenine rıza ekenin jetkizdi.

«Otbasymyzben kópten kútken sábıimiz 20 mıllıonynshy bolyp týylǵan balalardyń qatarynda bolǵany biz úshin qos qýanysh boldy. Jubaıym da, ózim de medıtsına salasynda qyzmet etemiz. Ár balanyń aman-saý dúnıege kelýine kásibı bilikti dárigerlerdiń kómegi zor. Aq halattylarǵa alǵys aıta otyryp, halqymyzdy 20 mıllıon bolýymen quttyqtaımyn», - dedi Álııa Mýsaeva.

Іs-shara sońynda 14 qarashada týylǵan nárestelerge syılyqtar tabystaldy.