Aqtaýda 100 adamǵa toı jasaǵan meıramhana ıesi jazalandy

AQTAÝ. QazAqparat - Jeksenbi kúni mańǵystaýlyq polıtseıler men qoǵamdyq kommýnıkatsııa ortalyǵynyń túsilim toby Aqtaýdaǵy meıramhanalarǵa reıd júrgizdi. Shara barysynda 100-ge jýyq adamǵa toı jasaý oqıǵasy anyqtaldy, dep habarlaıdy QazAqpara tilshisi.

Aqtaý qalalyq polıtsııa bóliminiń ınspektorlary karantın rejımine qaramastan toı ótkizgen meıramhana ákimshiligine hattama toltyryp, aıyppul salý úshin Mańǵystaý oblysynyń taýarlar men kórsetiletin qyzmetterdiń sapasy mn qaýipsizdigin baqylaý departamentine joldandy.

Karantın tártibin buzyp, toı jasaǵan kásipkerlerge 230AEK kóleminde aıyppul salynady.

Monıtorıngtik top ókilderi kún saıyn kúsheıtilgen rejımdegi reıd jumystaryn jalǵastyrady.

Esterińizge sala keteıik, Mańǵystaý 13 qazan 00:00 saǵattan bastap Mańǵystaý oblysynda karantın talaptary kúsheıtiledi. Oblystyń bas sanıtar dárigeriniń 28 tamyz kúni shyqqan qaýlysyna ózgerister engizildi.

Jańa talaptar boıynsha tamaqtaný oryndary, dámhanalar men iri sýpermarketter jumysy 21:00-ge deıin qysqarady. ıAǵnı, qoǵamdyq kólikter senbi, jeksenbi kúnderi jumysyn toqtatady. Fıtnes ortalyqtary men jattyǵý zaldarynyń jumysy toqtatylady. Azyq-túlikten basqa barlyq bazardyń jumys ýaqyty 16.00-ge deıin qysqarady. Toı men ujymdyq sharalarǵa reıd kúsheıtiledi.