Aqtaý-Jańaózen tasjolyndaǵy jol apatynan bir adam mert boldy

<p>Aqtaý-Jańaózen tasjolynda tórt avtokólik soqtyǵysyp, bir jolaýshy qaza tapty. Apatqa aıypty adam bes jyl bas bostandyǵynan aıyrylýy múmkin.</p>

Bul týraly Mańǵystaý oblystyq polıtsııa departamentiniń baspasóz qyzmeti málim etti, dep habarlaıdy Kazinform lada.kz saıtyna silteme jasap.

Jol-kólik oqıǵasy keshe 14:00 shamasynda Aqtaý-Jańaózen tasjolynyń 43 shaqyrymynda boldy.

«KamAZ», Volkswagen Sharan, Lada jáne «GAZ 330253» markaly tórt kólik soqtyǵysqan.

- Jol apaty saldarynan Lada markaly avtokóliktiń 49 jastaǵy jolaýshysy oqıǵa ornynda mert boldy. Jaralanǵan tórt adam oblystyq aýrýhanaǵa jetkizildi, - dep túsindirdi mekemeniń baspasóz qyzmeti.

Polıtsııa ókilderi bul oqıǵa sotqa deıingi tergeýdiń biryńǵaı reestrinde QR Qylmystyq Kodeksiniń 345-baby, 3-bóligi boıynsha tirkelgenin atap ótti. Tergeý júrip jatyr. Basqa aqparat tergeý kezinde jarııalanbaıdy.