Aqtaý turǵyndary Respýblıka kúnine oraı balkonyna tý ildi

<p>Aqtaýlyqtar Respýblıka kúnine oraı balkonyna memlekettik Týdy ilip, aktsııaǵa úles qosty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Aktsııaǵa 26, 14, 28, 17, 11, 28a jáne 21 shaǵyn aýdan turǵyndary belsendi qatysty. Aktsııaǵa úles qosqandardyń biri – 21 shaǵyn aýdan turǵyny Tolqyn Jarasova. Ol osy is-sharaǵa úles qosý arqyly ulttyq merekeni atap ótti.

«Respýblıka kúni – ulttyq mereke. Bul kúndi árbir qazaqstandyq erekshe atap ótýi kerek dep esepteımin. Aktsııaǵa qatysý úshin tańerteń turyp, úıimniń balkonyna memlekettik Týdy ildim. Aktsııaǵa qatysý arqyly ulttyq merekeniń atalyp ótýine óz úlesimdi qosqanyma qýanyshtymyn. Aqtaýlyqtardy Respýblıka kúnimen quttyqtaımyn! Elimiz aman, jurtymyz tynysh bolsyn!» - dedi Tolqyn Jarasova.

Іs-sharany Aqtaý qalalyq ishki saıasat jáne tilderdi damytý bólimi uıymdastyrǵan.

«25 qazan – Respýblıka kúninde aqtaýlyqtar da turǵyn úıdiń balkonyna tý ilip, aktsııaǵa úles qosty. Belsendi turǵyndar osylaısha basqalarǵa merekelik kóńil kúı syılaýdy maqsat tutqan. Jas urpaqtyń boıynda rámizderimizge degen qurmetti kúsheıtýge baǵyttalǵan is-sharaǵa qatysqandarǵa alǵys bildiremiz», - dedi Aqtaý qalalyq ishki saıasat jáne tilderdi damytý bóliminiń basshysy Gúlmıra Balǵojaeva.