Aqtaý túbindegi ushaq apatynyń sebepteri qashan naqty aıtylady

<p>ASTANA. KAZINFORM — Kólik vıtse-mınıstri Talǵat Lastaev Kazinform agenttiginiń <a href="https://www.youtube.com/watch?v=-wm-ig6Y1gk" target="_blank" rel="noopener">BIZDIÑ ORTA</a> podkastynda osy suraqqa jaýap berdi.</p>

— Jalpy standart boıynsha 30 kúnniń ishinde tergeýdiń aldyn ala nemese aralyq qorytyndysy jarııalanýy kerek. ıAǵnı, ushaqtyń jermen túıisken kezdegi izder, qırandylar jınalady. Biz Aqtaý áýejaıynda angar ashtyq. Ondaǵylar bas almaı jumys istep jatyr, — deıdi vıtse-mınıstr.

Al Májilis depýtaty Konstantın Avershın mundaı názik máseleni barynsha baıypty paıymdaý kerektigin aıtady.

— Májilistegi qorǵanys jáne qaýipsizdik máselesine jaýapty komıtettiń múshesi retinde qazir álemde týrbýlentti jaǵdaı qalyptasyp otyrǵanyn aıtar edim. Shartty túrde aıtsaq, álemniń ár túkpirinde qaıǵyly oqıǵalar jıilep ketti. Qazaqstandy bóten kıkiljińderge kıliktirý úshin az aqsha jumsalyp jatqan joq. Ondaı maqsatqa túrli aqparattyq syltaý qoldanylýy múmkin. Sondyqtan Qazaqstan azamattaryn tek resmı aqparat kózderine ǵana senýge úndeımin, — dedi depýtat.

Eske salsaq, 25 jeltoqsanda Aqtaý mańynda Azerbaijan Airlines ushaǵy apatqa ushyrady.

Ushaq bortynda 67 adam, onyń ishinde bes ekıpaj múshesi bolǵan. Oqıǵa saldarynan 38 jolaýshy qaza tapty. Ókinishke qaraı, mert bolǵan jandardyń arasynda 6 Qazaqstan azamaty bolǵan.

Apattan keıin keshe Qazaqstan borttaǵy ózdiginen jazǵysh quraldardy Brazılııaǵa jibergenin jazdyq.

Osyǵan deıin «qara jáshiktiń» Brazılııaǵa nelikten jiberiletindigi týraly sarapshylardyń pikirin bergen edik.

Sondaı-aq, «qara jáshikti» oqýǵa neshe kún ketetini týraly avıatsııa ınjeneriniń jaýabyn jarııaladyq.