Aqtaý teńiz porty konteınerlerdi aýystyryp tıeý boıynsha rekordtyq kórsetkishke qol jetkizdi

<p>AQTAÝ. KAZINFORM &ndash; Bıyl mamyr aıynda Aqtaý teńiz portynda konteınerlerdi aýystyryp tıeý jumystary qarqyndy júrgizildi. Nátıjesinde 5,1 myńnan astam jıyrma fýttyq ekvıvalentti quraıtyn konteınerler aýystyryp tıeldi. Al, byltyr mamyrda bul kórsetkish 2,6 myń jıyrma fýttyq ekvıvalentti qurady. 5,1 myń jıyrma fýttyq ekvıvalent - port tarıhyndaǵy rekordtyq kórsetkish.&nbsp;</p>

Konteınerlik tasymaldar ásirese, Qytaı halyq respýblıkasynan Eýropa elderine Transkaspıı halyqaralyq kólik baǵyty boıynsha 2 esege ósken. Júk tasymaldaýshylardyń basym bóligi taýarlaryn Transkaspıı halyqaralyq kólik baǵyty boıynsha qaıta baǵyttaǵan. 

Foto: Aıagóz Іzbasarova/Kazinform

– ıAǵnı, qazirgi tańda atalǵan baǵyttyń áleýeti joǵary. Basty artyqshylyqtary – júkterdi jetkizý merzimi men onyń Sýets kanalyna qaraǵanda júrip ótetin jolynyń qaýipsizdiginde, - deıdi teńiz portynyń bas dıspetcheri Vadım Novıkov. 

Jalpy bıyl portta jyl basynan beri 15,8 myńnan astam jıyrma fýttyq ekvıvalent konteıner tıelgen. Bul ótken jyldyń osy kezeńimen salystyrǵanda 50 paıyzǵa artyq. Konteınerlerdiń basym bóligi Transkaspıı halyqaralyq kólik baǵyty boıynsha tasymaldandy. 

Foto: Aıagóz Іzbasarova/Kazinform

Aqtaý teńiz portynda konteınerlik júkterdi aýystyryp tıeýdi odan ári damytý úshin, tamyz aıynda birqatar zamanaýı tehnıkalar iske qosylady. Olar jalpy jáne úıindi júkterge arnalǵan júk kótergishter men portaldyq krandar.