Aqtaý sammıtinde Kaspıı teńiziniń quqyqtyq mártebesi qaralady
Kaspıı sammıtiniń bes tarappen kelisilgen kún tártibi negizgi úsh máseleni, atap aıtqanda Kaspıı teńiziniń quqyqtyq mártebesi, Kaspııdegi yntymaqtastyq máseleleri, Aımaqtyq jáne jahandyq halyqaralyq taqyryptardy qamtıdy.
Qazaqstan Respýblıkasynyń Prezıdenti Nursultan Nazarbaevtyń shaqyrýy boıynsha sammıtke Ázerbaıjan Respýblıkasynyń Prezıdenti Ilham Álıev, Iran Islam Respýblıkasynyń Prezıdenti Hasan Rýhanı, Reseı Federatsııasynyń Prezıdenti Vladımır Pýtın jáne Túrikmenstan Respýblıkasynyń Prezıdenti Gýrbangýly Berdimuhamedov keledi.
Sammıttiń qorytyndysy boıynsha 2017 jylǵy 4-5 jeltoqsanda Máskeýde ótken Kaspıı mańy memleketteriniń syrtqy ister mınıstrleriniń kezdesýi aıasynda jobasy maquldanǵan negizgi qorytyndy qujat - Kaspıı teńiziniń quqyqtyq mártebesi týraly konventsııaǵa qol qoıý josparlanýda.
Sonymen qatar, Kaspıı mańy memleketteriniń úkimetteri arasyndaǵy sammıt barysynda transport, saýda-ekonomıka jáne Kaspıı teńizinde janjaldardy boldyrmaý salasyndaǵy yntymaqtastyq týraly úsh kelisim sııaqty birqatar halyqaralyq qujattarǵa sondaı-aq 2010 jylǵy 18 qarashadaǵy Kaspıı teńizindegi qaýipsizdik salasyndaǵy kelisimge uıymdasqan qylmysqa, terrorızmge qarsy kúres jáne Kaspıı mańy memleketteriniń shekaralyq organdarynyń ózara árekettestigine qatysty úsh hattamalarǵa qol qoıý josparlanýda.
Kezdesý aıaqtalǵannan keıin Besinshi Kaspıı sammıtiniń Kommıýnıkesin taratý josparlanýda.
Sonymen qatar, 11 tamyzda sammıttiń qarsańynda Kaspıı mańy memleketteriniń syrtqy ister mınıstrleriniń kezdesýi ótedi.