Aqtaý sammıti: Arnaıy jumys tobynyń jıyny ótti

ASTANA. QazAqparat -Aqtaý qalasynda Kaspıı jaǵalaýy memleketteri Syrtqy ister mınıstrleriniń orynbasarlary deńgeıinde Kaspıı teńiziniń quqyqtyq mártebesi týraly konventsııany ázirleý boıynsha Arnaıy jumys tobynyń (AJT) qorytyndy 52-shi otyrysy ótti. Bul týraly QazAqparat SІM baspasóz qyzmetine silteme jasap habarlaıdy.

Kelissózderge Ázerbaıjan Respýbıkasy (jetekshisi - H.A.Halafov), Iran Islam Respýblıkasy (jetekshisi - R. Nazar Aharı), Qazaqstan Respýblıkasy (jetekshisi - Z.A.Amanjolova), Reseı Federatsııasy (jetekshisi - I.B.Bratchıkov) jáne Túrikmenstannyń (jetekshisi - M.G.Atadjanov) delegatsııalary qatysty.

AJT otyrysynda taraptar Besinshi Kaspıı sammıtiniń qujattaryn ázirleý boıynsha jumystyń qorytyndysyn shyǵardy, sondaı-aq Kaspıı jaǵalaýy memleketteriniń syrtqy ister mınıstrleri keńesiniń kún tártibin talqylady jáne kelistirdi.

Kaspıı teńiziniń quqyqtyq mártebesi týraly konventsııany ázirleý boıynsha kelissózderdiń aıaqtalýyna oraı, taraptar birlesken uzaq merzimdi jumys nátıjelerin zor qanaǵatpen atap ótti.

Delegatsııalar oryn alǵan kelissózderdiń nátıjelerine oń baǵa berip, qorytyndy kezdesýdi joǵary deńgeıde uıymdastyrǵany úshin Qazaqstan Respýblıkasyna óz rızashylyǵyn bildirdi.