Aqtaý portynan qazaqstandyq munaı eksportynyń kólemi 50 paıyzǵa artty

<p>&laquo;QazTransOıl&raquo; AQ bıyl Aqtaý portynan Qazaqstan munaıynyń 3 mln 62 myń tonnasy eksporttalǵanyn málimdedi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Bul byltyrǵy osyndaı kezeńimen salystyrǵanda 1 mln 14 myń tonnaǵa nemese 50%-ǵa artyq.

«Qazaqstan munaıyn Aqtaý portynan eksportqa tasymaldaý kóleminiń artýy Baký portyna qaraı jóneltiletin shıkizat kóleminiń 205 myń tonnadan 1 mıllıon 238 myń tonnaǵa deıin ulǵaıýymen baılanysty, bul 2022 jyldyń osyndaı kezeńimen salystyrǵanda 6 ese kóp. Sonymen qatar, esepti kezeńde Aqtaý portynan Mahachkala portyna qaraı 1 mln 824 myń tonna munaı jóneltildi», — dep jazdy vedomstvodan.

2022 jyly Qazaqstan Respýblıkasynyń Prezıdenti Qasym-Jomart Toqaev Transkaspıı dálizi boıynsha munaı tasymaldaý kólemin arttyrýdy tapsyrdy. Osy tapsyrmaǵa sáıkes «QazMunaıGaz» UK AQ men Ázerbaıjan Respýblıkasynyń SOCAR memlekettik munaı kompanııasy Teńiz ken ornynan «Baký-Tbılısı-Djeıhan» munaı qubyry baǵyty boıynsha jylyna 1,5 mıllıon tonna munaı tasymaldaýdy kózdeıtin kelisim jasady.