Aqtaý perzenthanasynda jańa týǵan sábılerge dombyra úlestirildi

AQTAÝ. QazAqparat - Aqtaýda «Dombyra-dastan» aktsııasy ótti, dep habarlaıdy QazAqparat qoǵamdyq kommýnıkatsııa ortalyǵyna silteme jasap.

Aqtaýda ulttyq dombyra kúnine oraı Mańǵystaý oblystyq Qazaqstan halqy Assambleıasy «Dombyra — dastan» aktsııasyn ótkizdi.

Shara aıasynda perınataldyq ortalyqta jatqan analar men olardyń nárestelerine qazaqtyń qara dombyrasy syıǵa berildi.

Aktsııa Aqtaý qalalyq perınataldy ortalyǵynda ótti.

Іs-sharaǵa oblystyq Assambleıanyń qoǵamdyq orynbasary, ázerbaıjan EMB tóraǵasy Shamsadın Gýseınov, MO QHA kásipkerler qaýymdastyǵynyń tóraǵasy Tangıev Djambýlat, analar keńesiniń tóraǵasy Amankúl Djaılhanova, MO QHA kásipkerler qaýymdastyǵy tóraǵasynyń orynbasary, analar keńesiniń múshesi Zareta Fatalıeva, QHA ardagerler keńesiniń múshesi Raısa Madenova, sondaı-aq jeke kásipkerler Medet pen Indıra qatysty.

Shara uıymdastyrýshylary analar men olardyń nárestesine dombyra, balalarǵa arnalǵan kıim, kondıterlik jáne sút ónimderin tabys etti.

Sondaı-aq Aqtaý qalalyq perınataldyq ortalyǵynyń qyzmetkerlerine Qazaqstan halqy Assambleıasy atynan estelik syılyqtar berildi.

Aıta keteıik, elimizde shildeniń birinshi jeksenbisi kóne mýzykalyq aspap – dombyra merekesin atap ótedi.

Bul kún qazaqstandyq qoǵamdy mádenı muranyń qundylyqtary men jasampaz ıdeıalarynyń aınalasyna toptastyrý maqsatynda qurylǵan.