Aqtaý men Tarazda qarýdyń zańsyz aınalymy arnasynyń joly kesildi - UQK
13:20, 16 Maýsym 2023
AQTAÝ. QazAqparat – 10-12 maýsymda Ulttyq qaýipsizdik komıtetiniń jedel qyzmetkerleri «A» arnaıy maqsattaǵy qyzmetiniń kúshtik qamtamasyz etýimen Aqtaý jáne Taraz qalalarynda qarýdyń zańsyz aınalymy arnasynyń jolyn kesý boıynsha arnaıy operatsııa júrgizdi. Bul týraly QazAqparat UQK baspasóz qyzmetine siltememen habarlaıdy.
Osy qylmysty jasady degen kúdikpen respýblıkanyń bes turǵyny ustalyp, onyń ekeýi tergeý oqshaýlaǵyshyna qamaldy.
UQK qyzmetkerleri uzaq ýaqyttyq zerdeleý barysynda atý qarýy men oq-dárini ákelý jáne satý joldaryn qujattap alǵan.
Sotqa deıingi tergeý fıgýranttary qupııalyq sharalaryn qatań saqtap kelgen jáne saýdalaý barysynda ártúrli amaldardy qoldanǵan.
Arnaıy operatsııa nátıjesinde zańsyz aınalymnan eki «Kalashnıkov» avtomaty jáne 100 oq-dári tárkilendi.
Jedel-tergeý is-sharalary júrip jatyr.