Aqtaý men Baýtıno teńiz porttarynda úsh myńǵa jýyq keme tekserildi

ASTANA. QazAqparat - 2015 jyly Aqtaý teńiz portynda Kólik komıtetiniń aýmaqtyq bólimshesi bolyp tabylatyn Aqtaý jáne Baýtıno porttarynyń teńiz ákimshiligi óz qyzmetin bastady.

2016 jyldan bastap Teńiz porty ákimshiligi óz qyzmetin Baýtıno portynda bastady. Bul mekemeniń negizgi maqsaty - Qazaqstan teńiz porttaryna kiretin teńiz kemelerin tekserý arqyly olardyń  qaýipsizdigin  qamtamasyz etý bolyp tabylady.

Halyqaralyq konventsııalardyń jáne ulttyq zańnamalardyń talaptaryna sáıkes, Teńiz porty ákimshiliginiń ınspektory kemeni tekserý barysynda keme ekıpajy músheleriniń jáne komandalyq quramnyń tıisti biliktiligin, keme qujattaryn, kemeniń tehnıkalyq jaǵdaıyn, qutqarý jáne sıgnaldyq quraldarynyń bolýyn, sonymen birge, órt sóndirý quraldarynyń jumys isteýin tekseredi.     

2016 jyldyń qorytyndysy boıynsha, Teńiz ákimshiligimen Aqtaý teńiz portyna kirgen 1451 keme jáne Baýtıno teńiz portyna kirgen 1 356 keme tekserildi. Sonyń ishinde:

Qazaqstan Respýblıkasynyń - 1623 kemesi;

Reseı Federatsııasynyń - 225 kemesi;

Ázerbaıjan Respýblıkasynyń - 523 kemesi;

Iran Islam Respýblıkasynyń  - 417 kemesi;

Túrikmenstan Respýblıkasynyń - 10  kemesi.

Jyl basynan beri Teńiz porty ákimshiligi ınspektorlarymen tekseris barysynda tabylǵan  zań buzýshylyqtardy joıyp, qalpyna keltirgenge deıin 10 keme toqtatyldy. Sonyń ishinde: Iran Islam Respýblıkasynyń  - 6 kemesi, Qazaqstan Respýblıkasynyń - 1 kemesi, Ázirbaıjan Respýblıkasynyń - 1 kemesi, Reseı Federatsııasynyń - 1 kemesi jáne Túrikmenstan Respýblıkasynyń 1 - kemesi. Sonyń nátıjesinde zań buzýshylyqtardy joıý jóninde 6 uıǵarym berildi.

Kemelerdi toqtatýdyń negizgi sebepteri navıgatsııalyq jabdyqtardyń isten shyǵýy, keme ekıpajy músheleriniń jáne komandalyq quramnyń tolyq bolmaýy.