Aqtaý mańyndaǵy ushaq apatyn tergeýge Túrkııadan kelgen mamandar jumyldyryldy

<p>Bul týraly Túrkııanyń kólik jáne ınfraqurylym mınıstri Abdýlkadır Ýraloglý málimdedi, dep habarlaıdy <a href="https://www.aa.com.tr/ru/%D0%BC%D0%B8%D1%80/%D1%82%D1%83%D1%80%D0%B5%D1%86%D0%BA%D0%B8%D0%B5-%D1%81%D0%BF%D0%B5%D1%86%D0%B8%D0%B0%D0%BB%D0%B8%D1%81%D1%82%D1%8B-%D0%BF%D1%80%D0%B8%D0%B2%D0%BB%D0%B5%D1%87%D0%B5%D0%BD%D1%8B-%D0%BA-%D1%80%D0%B0%D1%81%D1%81%D0%BB%D0%B5%D0%B4%D0%BE%D0%B2%D0%B0%D0%BD%D0%B8%D1%8E-%D0%B0%D0%B2%D0%B8%D0%B0%D0%BA%D0%B0%D1%82%D0%B0%D1%81%D1%82%D1%80%D0%BE%D1%84%D1%8B-%D0%B2-%D0%B0%D0%BA%D1%82%D0%B0%D1%83/3436322" target="_blank" rel="noopener">Anadolu Ajansı.</a></p>

Onyń aıtýynsha, Ázerbaıjan áýe joldarynyń qulaǵan ushaǵyn tergeýge 8 adamnan turatyn túrik mamandary toby qatysady. Saraptama komıssııasy Ázerbaıjan Memlekettik azamattyq avıatsııa agenttiginiń ótinishi boıynsha qurylǵan.

– Biz tehnıkalyq jáne operatsııalyq taldaý júrgizip, qajetti qoldaý kórsetemiz. Biz quzyrly organdarmen kelise otyryp, oqıǵanyń tolyq mán-jaıyn anyqtap, nátıjelerin habarlaıtyn bolamyz, - dedi ol.

Oraloglý delegatsııanyń 27 jeltoqsan kúni keshke Bakýge attanǵanyn aıtty.

- Túrkııa kez kelgen jaǵdaıda Ázirbaıjandy qoldaıdy, - dedi ol.

Mınıstr ushaq apatynda qaza tapqandardyń jaqyndaryna kóńil aıtyp, zardap shekkenderdiń tezirek saýyǵyp ketýin tiledi.

Buǵan deıin Aqtaýǵa apatqa ushyraǵan Embraer ushaǵynyń óndirýshileri kelgeni habarlanǵan bolatyn.

Jeltoqsannyń 25-i kúni Bakýden Groznyıǵa ushyp bara jatqan Ázirbaıjan áýe joldarynyń ushaǵy Aqtaý mańynda Qazaqstan aýmaǵynda qulady. Bortta 67 adam, onyń ishinde bes ekıpaj múshesi bolǵan. Oqıǵa saldarynan 38 jolaýshy qaza tapty.