Aqtaý qalasyna irgeles aýyl turǵyndary aýadaǵy aşy ıiske shaǵymdandy

AQTAÝ. QazAqparat – Aqtaý qalasynyń irgesindegi Basqudyq aýylynyń turǵyndary balalarynyń densaýlyǵyna zııanyn tıgize bastaǵan aýadaǵy ótkir ıiske shaǵymdandy, dep habarlaıdy QazAqparat tilshisi.

Basqudyq aýylynyń janynda káriz sýlaryn burýǵa arnalǵan aryq aǵyp jatyr. Buǵan deıin sý magıstrali arqyly «Qoshqar ata» ýly qaldyqtar qoımasyna tek qalanyń qaldyǵy ǵana tógilgen. Qazir jaqyn mańdaǵy zaýyttardan arnaǵa taratylǵan plastıkalyq qubyrlar bar.

«Plastıkalyq qubyrlardy júrgizý kezinde alynǵan synamalar amonıı men nıtrıt ıondarynyń artyq ekendigin kórsetti. Sondaı-aq, kompanııalar qyzmetine monıtorıng júrgizý barysynda da kúkirt pen ammıaktyń shekti normasynan asyp túskeni anyqtaldy», - dep túsindirdi oblystyq ekologııa departamentiniń bólim basshysy Maǵjan Ǵalymov.

Mamandardyń aıtýynsha, arna búginde jekemenshikte jáne jergilikti kommýnaldyq kásiporyn men «QazAzot» zaýytyna jalǵa berilgen. Alaıda, kásiporynda qaldyqtardy tógýge ruqsat joq.

2020 jyly arnaǵa tartylǵan qubyrdyń bólshektelgeni úshin jaýapty tulǵalarǵa 2 mln teńge aıyppul salynǵan edi. Qorshaǵan ortany lastaǵany úshin 14 mln teńge kóleminde jeke aıyppul tólendi.

Osy joly da tártip buzýshylarǵa qatysty kezekti tekserý júrgizilmek.

Vıdeodan alynǵan kadr