Aqtaý qalasynyń ákimi taǵaıyndaldy

<p>AQTAÝ. KAZINFORM &ndash; Mańǵystaý oblysynyń ákimi Nurdáýlet Qılybaı Aqtaý qalalyq máslıhatynyń depýtattaryna jańa qala ákimin tanystyrdy, - dep habarlaıdy oblys ákiminiń baspasóz qyzmeti.&nbsp;</p>

Buǵan deıin qala ákimi bolǵan Ulyqbek Tnalıev óz erkimen qyzmetinen ketken.

Qalalyq máslıhat depýtattary usynylǵan kandıdatýrany qoldady. Mańǵystaý oblysy ákiminiń ókimimen QR Prezıdenti Ákimshiliginiń kelisimi boıynsha Baıpaqov Ábilqaıyr Jańaıuly Aqtaý qalasynyń ákimi qyzmetine taǵaıyndaldy.

Foto: Mańǵystaý oblysy ákiminiń baspasóz qyzmeti

Ábilqaıyr Baıpaqov 1978 jyly Mańǵystaý oblysy Shetpe aýylynda dúnıege kelgen. Memlekettik jáne jergilikti basqarý mamandyǵy boıynsha joǵary bilimi bar.

Osy jyldar ishinde oblystyń memlekettik organdarynda, onyń ishinde Mańǵystaý oblysynyń ishki saıasat basqarmasy men mádenıet basqarmasynda, Aqtaý qalasy, Túpqaraǵan jáne Qaraqııa aýdandary ákimi apparatynda, oblys ákimi apparatynda basshy, Baıandy aýylynyń ákimi, «Kaspıı» ÁKK UK» AQ dırektory, Aqtaý qalasy ákiminiń orynbasary qyzmetterin atqarǵan.

2023 jyldan búgingi kúnge deıin Mańǵystaý oblysynyń Mádenıet, arhıvter jáne qujattama basqarmasynyń basshysy boldy.

Nurdáýlet Qılybaı Aqtaý qalasy turǵyndarynyń ál-aýqatyn jaqsartý baǵytynda atqarǵan jumysy úshin Ulyqbek Tnalıevke alǵys aıtyp, Ábilqaıyr Baıpaqovqa oblys ortalyǵynyń áleýmettik-ekonomıkalyq damýyna qatysty birqatar naqty tapsyrma berdi.