Aqtaý qalasynda zańsyz salynǵan ǵımarattar buzylady
Aqtaý qalasyndaǵy jekelegen qurylys salýshylar ruqsat qujattamasyn almaı qurylys-montajdaý jumystaryn júrgizip jatyr.
Jalpy, 2022 jyldan beri qadaǵalaý sharalarymen 120 nysan boıynsha 90 mln teńge somaǵa qurylys salýshylar aıyppul túrinde ákimshilik jaýapkershilikke tartyldy.
Alaıda qurylysshylarmen buzýshylyqtardy joımaý saldarynan sot zańsyz qurylystardy buzý boıynsha 28 sheshim shyǵardy.
Onyń ishinde sottyń sanktsııasymen 3 nysan, atap aıtqanda Prımorskıı eldi mekeninde taýnhaýs jáne №9 óndiristik aımaqtaǵy kommertsııalyq jáne turǵyn úı kesheni buzyldy. Barlyq nysan boıynsha qurylys júrgizýge ruqsat paraqtary men jobalaý-smetalyq qujattama bolmaǵan.
«Turǵyn úı qurylysyna úlestik qatysý týraly» zańǵa sáıkes qurylys salýshylardyń tıisti ruqsat qujattaryn resimdemeı azamattardyń aqshalaı qarajatyn tartýǵa quqyǵy joq ekenin habarlaımyz. Osyǵan baılanysty ruqsat qujattaryn resimdemegen qurylys kompanııalaryna qarajat salýǵa jol bermeýge shaqyramyz», - dedi Mańǵystaý oblysy prokýratýrasynan.