Aqtaýda árqaısysy 1 200 oryndyq 2 mektep ashyldy

<p>AQTAÝ. KAZINFORM &ndash; Búgin, 30 qyrkúıek kúni Aqtaý qalasynyń 18 shaǵyn aýdanynda №18-mektep jáne 19 A shaǵyn aýdanynda №24-mektep paıdalanýǵa berildi. Bilim oshaqtary Memleket Basshysynyń tapsyrmasy boıynsha &laquo;Bilim berý ınfraqurylymyn damytý&raquo; qorynyń esebinen salynyp, qoldanysqa engizildi.</p>

Mektepterde balalardy oqytý úshin barlyq jaǵdaı jasalǵan.

— Mektep ǵımarattary tolyqtaı zamanaýı úlgide salynyp, qajetti kerek-jaraqtarmen qamtamasyz etilgen. Munda sport zaldary, ashana, kitaphana, kompıýter synyptary, zerthana kabınetteri men sheberhana, medpýnkt jáne egý kabıneti jumys isteıdi, — deıdi Mańǵystaý oblystyq bilim basqarmasynyń basshysy Dınara Jumasheva.

Foto: Bilim basqarmasynyń baspasóz qyzmeti

Mańǵystaýda oqýshy sany jyl saıyn orta eseppen 5 myńǵa ósip otyr. Jańa oqý jylynda oblys mektepterinde 183 myńnan asa oqýshy oqýda, onyń ishinde 20 myń búldirshin mektep tabaldyryǵyn alǵash ret attady. 

Foto: Bilim basqarmasynyń baspasóz qyzmeti

Oblysta «Bilim berý ınfraqurylymyn damytý» qorynyń esebinen taǵy eki mektep boı kóterdi. Olar Munaıly aýdanynyń Basqudyq jáne Qyzyltóbe-2 aýyldarynda ornalasqan. Odan bólek, aımaqta «Jaıly mektep» jobasy aıasynda 21 mektep qoldanysqa berilmek.

Foto: Bilim basqarmasynyń baspasóz qyzmeti

Buǵan deıin, Aqtaýda oqýshylardyń mekteptiń kireberisinde taptalyp qala jazdaǵanyn jazǵan edik. 

Foto: Bilim basqarmasynyń baspasóz qyzmeti

Foto: Bilim basqarmasynyń baspasóz qyzmeti

Foto: Bilim basqarmasynyń baspasóz qyzmeti