Aqtaý qalalyq sotynyń tóraǵasy ustalǵan sáttiń vıdeosy jarııalandy

<p>ASTANA. KAZINFORM &ndash; Sot tóraǵasy úkimdi ózgertemin degen ýádemen iri kólemde aqsha alǵan. Bul týraly Sybaılas jemqorlyqqa qarsy is qımyl agenttigi habarlaıdy.&nbsp;</p>

«Sybaılas jemqorlyqqa qarsy is-qımyl agenttigi QR QPK 550-babyna sáıkes Bas prokýrormen kelisilgen sotqa deıingi tergeý sheńberinde Mańǵystaý oblysynyń qylmystyq ister jónindegi Aqtaý qalalyq sotynyń tóraǵasyn ustady», - delingen habarlamada.

Aqparatta aıtylǵandaı, sot tóraǵasy Aqtaý qalasynyń turǵyny arqyly sottalýshydan oǵan qatysty bas bostandyǵynan aıyrýdan basqa jazaǵa úkim shyǵarý syltaýymen 18 mln teńge kóleminde aqshalaı qarajat alǵan.

«Joǵaryda atalǵan qylmysqa qatysýshy qamaýǵa alynyp, Aqtaý qalasynyń tergeý ızolıatoryna qamaldy. Qylmystyq-protsestik kodekstiń 201-babyna sáıkes ózge aqparat jarııa etýge jatpaıdy», - deıdi agenttikten.

Buǵan deıin Aqtaý qalalyq sotynyń tóraǵasynyń tergeýge alynǵan týraly habarlaǵan edik.