«Aqtaý elektr jelileri basqarmasynyń» ujymy mańǵystaýlyqtardy vaktsına alýǵa shaqyrdy

NUR-SULTAN. QazAqparat – «Aqtaý elektr jelileri basqarmasy» memlekettik kommýnaldyq kásipornynyń ujymy mańǵystaýlyqtardy koronavırýsqa qarsy vaktsına alýǵa shaqyrdy, dep habarlaıdy QazAqparat.

Kommýnaldy mekeme mamandary óz ortalarynda ınfektsııaǵa qarsy ujymdyq ımmýnıtet qalyptastyrý úshin jappaı ekpe alǵan kórinedi.

Ózderi bul áreketi bir jaǵynan ujymda epıdemıologııalyq qaýipsizdikti qamtamasyz etse, ekinshi jaǵynan úıdegi jaqyndaryn indetten qorǵaýǵa múmkindik beredi dep esepteıdi.

Jelide atalǵan ujymnyń mańǵystaýlyqtardy vaktsına alýǵa úndegen vıdeosy tarady.

«Qurmetti mańǵystaýlyqtar! Biz – «AÝES» mekemesiniń ujymy «Aýyryp em izdegenshe, aýyrmaýdyń jolyn izde» degendeı, qazirgi tańda kúnnen-kúnge kúsheıip jatqan indetke qarsy ujymdyq ımmýnıtetimizdi kóterý úshin jáne de otbasymyzdyń amandyǵy úshin vaktsına aldyq. Arandaýshylyqqa berilmeı, barshańyzdy vaktsına salý shaqyramyz», - delingen vıdeoda.

Eske salsaq, Mańǵystaý oblysynda 7 shildeden beri karantın shekteýleri kúsheıtilgen bolatyn.

Ótken táýliktiń qorytyndysy boıynsha, Qazaqstanda 4 134 139 adam koronavırýsqa qarsy vaktsınanyń I komponentin saldyrǵan.

Al vaktsınatsııa eń qarqyn júrip jatqan óńirlerdiń biri – Almaty qalasynda ótken bir táýlikte 10 myńǵa jýyq adam ekpe aldy.