Aqtaý, Balqash jáne Ekibastuzda jylý júıelerin jóndeý jumystary aıaqtaldy

<p>Energetıka mınıstrligi jylýsyz qalǵan birneshe óńirde qalpyna keltirý jumystarynyń aıaqtalǵanyn jetkizdi, dep habarlaıdy Kazinform.</p>

«9 jeltoqsan kúni Balqash qalasyndaǵy Abaı jáne Abdýgalıev kóshesindegi jylý jelisiniń qubyryna zaqym kelip, 6 saǵat ishinde tún mezgilinde qalpyna keltirildi. Ekibastuz qalasynda qazirgi tańda 8 qazandyq jumys istep tur, jylý berýde irkilis bolǵan joq. Aqtaý qalasyndaǵy 11a yqshamaýdanynda jylý jelisi zaqymdalǵan, qazirgi ýaqytta jóndeý jumystary aıaqtalýda. Aıta keteıik, bul qalalarda oryn alǵan oqıǵalar tehnologııalyq buzýshylyqtar retinde sıpattalady. Eń bastysy tutynýshylarǵa jylý berýdi toqtatýǵa jol berilmedi», - delingen habarlamada.

Bıyl elimizdegi barlyq energııa kózderin turaqty jylýmen qamtamasyz etý boıynsha buryn-sońdy bolmaǵan aýqymdy jumystar atqaryldy. Jylýmen jabdyqtaý boıynsha apatty jaǵdaılardyń aldyn alý sharalary qabyldandy.

QR Energetıka mınıstrligi energetıkalyq nysandardy paıdalaný máseleleri boıynsha jergilikti atqarýshy organdarmen tyǵyz baılanysta jáne jaǵdaıdy qadaǵalaýynda ustap otyr.

Buǵan deıin elimizde birneshe óńir sýsyz, jylýsyz qalǵany týraly habarlaǵan edik.