Aqtaý áýejaıynda jóndeý jumysyna baılanysty keı reıster keıinge shegerildi

AQTAÝ. QazAqparat - Aqtaý halyqaralyq áýejaıynda ushý-qoný jolaǵyn jóndeýge baılanysty reıster keıinge qalady, dep habarlaıdy QazAqparat Mańǵystaý oblystyq qoǵamdyq kommýnıkatsııa ortalyǵyna silteme jasap.

Áýejaı ókilderiniń aıtýynsha, 3 mamyr men 5 shilde aralyǵynda ushý-qoný jolaǵyna aǵymdaǵy jóndeý jumysy júrgizilip, tehnıkalyq qyzmet kórsetý josparlanǵan.

Jóndeý jumystary dúısenbi, seısenbi jáne sársenbi kúnderi jergilikti ýaqyt boıynsha saǵat 09.00-den 20.00-ge deıin júrgiziledi.

- Bul kúnderi reıster Aqtaý áýejaıynyń áýe aılaǵynda saǵat 20.00-den 09.00-ge deıin qabyldanady. Aptanyń qalǵan kúnderi reıster shtattyq rejımde oryndalady, - dedi áýejaı mamandary.

Avıakompanııalar myna reısterdi aýystyrýdy josparlap otyr:

Dúısenbi kúni aýysatyn reıster: 741/742 Nur-Sultan, 709/710 Shymkent, 727/728 Nókis, 857/858 Almaty, 7605/7606 Kýtaısı, 7277/7278 Atyraý, 7175/7176 Almaty, 837 Mahachkala. Reıster toqtamaıdy.

Seısenbi kúni aýysatyn reıster: 741/742 Nur-Sultan, 709/710 Shymkent, 857/858 Almaty, 7577/7578 Shymkent, 7175/7176 Almaty. Reıster toqtamaıdy.

Sársenbi kúni aýysatyn reıster: 741/742 Nur-Sultan, 709/710 Shymkent, 857/858 Almaty, Kısheır 6036/6037 Gorgan, 7275/7276 Atyraý, 7577 /7578 Shymkent, 835/836 Astrahan, 7377/7378 Nur-Sultan, 725/726 Úrgenish, 7777/7778 Aqtóbe reısi toqtatylady.