Aqtaý áýejaıy eki kúnge jabylady

AQTAÝ. QazAqparat – Aqtaý áýejaıy eki kúnge jabylady. Bul týraly FlyArystan áýe kompanııasy málimdedi, dep habarlaıdy QazAqparat tilshisi.

«Aqtaý qalasynyń áýejaıy 24, 25 mamyr saǵat 10:00-den 20:00-ge deıin ushý-qoný jolaǵyndaǵy jóndeý jumystaryna baılanysty jabyq bolady. Jolaýshylarǵa jóneltý ýaqyty týraly aqparat brondaý kezinde kórsetilgen nómirlerge jiberiledi. Bul ózgerister avıakompanııanyń baqylaýynan tys bolǵanyn eskerińiz. FlyArystan Aqtaý áýejaıynyń ushý qaýipsizdigin qamtamasyz etý jumystaryna qoldaý kórsetedi, alaıda Aqtaý áýejaıynyń kesh habarlama bergeni josparlaryńyzǵa áser etkenine keshirim suraımyz» delingen habarlamada.

Bul aqparatty Aqtaý áýejaıynyń dırektory Merýert Joldybaeva rastady.