Aqtaý áýejaıynda reıster keshigip jatyr

<p>AQTAÝ. KAZINFORM &ndash; Aqtaý halyqaralyq áýejaıynda ushý jáne qoný ýaqytsha toqtatyldy, dep habarlaıdy jergilikti <a href="https://www.lada.kz/aktau_news/society/128848-reisy-otmeniaiut-v-aeroportu-aktau.html" target="_blank" rel="noopener">lada.kz.</a></p>

Aqparat kóziniń habarlaýynsha, redaktsııaǵa Aqtaý turǵyndarynan shaǵymdar kelip túsip jatyr. Olar búgin, 29-qyrkúıek kúni Máskeý, Astana men Almatydan ushyp kele almaǵan.

«Bizdiń týysymyz búgin Máskeýde Aqtaý reısine tirkeýden ótti, endi ushaqqa otyrýy kerek edi. Alaıda ushý ýaqyty keıingi shegerildi, qansha ýaqytqa ekeni belgisiz» - deıdi jergilikti Mıhaıl esimdi turǵyn.

Aqtaý áýejaıynan habarlaǵandaı, kún raıyna baılanysty 8 reıs ýaqytynan keshigip jatyr. Naqtyraq aıtqanda Máskeýden keletin reıs 30-shy qyrkúıekke qaldyryldy. Naqty ýaqyty ázirge belgisiz.

Beıresmı málimetterge qaraǵanda, Aqtaý áýejaıyndaǵy ushý jolaqtarynyń biri jóndeýden ótip jatyr. Ekinshi jolaqqa jelge baılanysty ushaq qabyldanbaı jatyr.