Aqtaý áýejaıynda esirtki jutyp alǵan eki shetel azamaty ustaldy
11:48, 08 Aqpan 2024
<p>ASTANA. KAZINFORM — 2024 jylǵy 24 qańtarda Aqtaý qalasynyń halyqaralyq áýejaıynda UQK Mańǵystaý oblysy boıynsha departamentiniń jedel qyzmetkerleri men shekarashylar esirtki tasymaldady degen kúdikpen eki sheteldik azamatty ustady. </p>
Osy jolaýshylardyń ish qýysyna rentgenoskopııalyq zertteý bógde zattardyń bar ekenin kórsetti.
Arnaıy medıtsınalyq tásildermen sheteldikterdiń asqazandarynan apıyn tobynyń esirtkisinen turatyn 295 konteıner shyǵaryldy.
Alynǵan zattardyń jalpy salmaǵy 2 kg-dan asady.
Sot sheshimimen fıgýranttarǵa qamaýda ustaý túrindegi bultartpaý sharasy tańdaldy.
Qylmystyq kodekstiń 286-baby 4-bóligi boıynsha sotqa deıingi tergep-tekserý júrgizilýde.
Ózge aqparat QR Qylmystyq-protsestik kodeksiniń 201-baby 1-bóligine sáıkes jarııa etýge jatpaıdy.