Aqtaý ákimi aýyzsý tapshylyǵy úshin halyqtan keshirim surady
«Qala aýmaǵynda sý máselesi bar ekendigi barshańyzǵa belgili. Sizderdiń ol másele boıynsha narazylyqtaryńyzdy jaqsy túsinemin jáne qolaısyzdyqtar úshin keshirim suraımyn», - dep jazdy Erbol Іzbergenov Facebook-tegi jeke paraqshasynda.
Ákimniń aıtýynsha, qalada sý kóleminiń tapshylyǵy, sý qysymynyń tómendigi, joǵarǵy qabattarǵa sý jetpeý máseleleri bar.
«Ony joqqa shyǵarmaımyz. Ásirese jaz mezgilinde sýdy tutyný kóleminiń artýyna baılanysty másele kúrdelenip otyr.
Ózderińizge belgili, qalany aýyz sýmen «MAEK» JShS qamtyp otyr. Qysqy mezgilde táýligine tutynylatyn sý kólemi – shamamen 34 000 m3 bolsa, jazda táýligine – 67 000 m3. Alaıda «MAEK» 52 000 m3 sý kólemimen ǵana qamtı alatyndyqtan, bizdegi defıtsıt – 15 000 m3», - dedi shahar basshysy.
Málim etilgendeı, qazirgi tańda máseleni sheshý úshin jumystar atqarylyp jatyr.
«2022 jyly 9 qabattan bıik úılerdiń joǵarǵy qabattaryna sý jetkizý úshin 113 sý sorǵysh qurylǵysy ornatyldy. Bul jumys áli de jalǵasady.
«MAEK» aýmaǵynda qýaty táýligine 24 000 m3 sý tuşytý qondyrǵylaryn salý boıynsha jumystar júrgizilýde.
2023 jyly jobany júzege asyrýǵa 10 mlrd teńge maquldandy.
«Kaspıı» sý tuşytý zaýytynyń ónimdiligi táýligine – 20 000 m3, qazirgi tańda ónimdilikti 40 000 m3 deıin arttyrý jumystary júrgizilip jatyr. Zaýyt búgingi kúni Qaraqııa, Munaıly jáne Aqtaý qalasynyń jyly jaǵajaıyn sýmen qamtamasyz etýde.
»SK Stroı Montaj» JShS-niń ınvestıtsııasyna qýattylyǵy táýligine 20 000 m3 quraıtyn sý tuşytý zaýyty salynýda. Jyl sońyna deıin táýligine 10 000 m3 aýyz sý óndirý kútilýde», - delingen ákim postynda.
Aqtaý qalasynda 464 shaqyrym aýyz sý qubyry bar, onyń 88%, ıaǵnı 386 shaqyrym tozyǵy jetkendikten isten shyǵý faktileri artýda. Basty sebep – qalanyń aýyz sý júıesiniń qysymyn retteıtin pýnkterdiń nemese arnaıy qurylǵylardyń bolmaýy. Osyǵan baılanysty «KJSA» MKK Aqtaý qalasy boıynsha qosalqy kótergish stantsııalar ornatý josparlanǵan. Qazirgi ýaqytta satyp alý boıynsha konkýrs qorytyndysy kútilip otyr.
Qala ákimi sýǵa qatysty suraqtar týyndaǵanda habarlasýǵa bolatyn baılanys nomerlerin qaldyrdy: IKomek 109; «Kaspıı jylý, sý arnasy» kezekshi nómirleri – 60 53 16; 60 53 22; 60 53 18 (223).