Aqtańdaqtar aqıqatyn bilýimiz kerek – Qyrymbek Kósherbaev

ATYRAÝ. QazAqparat – Memlekettik hatshy Qyrymbek Kósherbaev Atyraýda saıası qýǵyn-súrgin qurbandaryn tolyq aqtaý máseleleri jónindegi óńirlik komıssııanyń jobalyq keńsesiniń qyzmetimen tanysty, dep habarlaıdy QazAqparat tilshisi.

Kezdesýde óńirlik komıssııa músheleriniń osy kezge deıin júrgizgen zertteý jumystarynyń nátıjesi aıtyldy.

«Tarıhymyzdaǵy aqtańdaqtar aqıqatyn bilýimiz kerek. Repressııa qurbandarynyń qýǵyn-súrginge ushyraý sebebin qoǵamǵa jetkizý qajet. Óıtkeni, alǵa qadam jasaýymyz úshin ótken tarıhymyzdan sabaq alýdyń mańyzy zor. Sondyqtan, memlekettik komıssııa saıası repressııa qurbandaryn tolyq​ aqtap bolǵanǵa deıin jumysyn jalǵastyra beredi. Bolashaqta Tarıhı jady ınstıtýty qurylady. Osyǵan oraı óńirlik komıssııa múshelerinen, tarıhshylardan nátıjeli zerdeleý jumystaryn kútemiz», -dedi Qyrymbek Kósherbaev.​

Oblys ákimi Mahambet Dosmuhambetovtiń aıtýynsha, qazir 26 múshesi bar óńirlik komıssııanyń quramynda 8 jumys toby bar. Jumys toptaryna H.Dosmuhamedov atyndaǵy Atyraý ýnıversıtetiniń ǵalymdary men tarıhshylary, qoǵamdyq uıymdar men etnomádenı birlestikterdiń ókilderi kirgen. Komıssııa músheleri qýǵyn-súrginge ushyraǵan 3 myńǵa jýyq adamnyń isi men fıltratsııalyq tekserýdi, trofeılik kartochkalardy zerttegen.

Eske sala ketelik, budan buryn Qyrymbek Kósherbaev Atyraý oblysynyń bir top azamatyna memlekettik nagradalardy tabystaǵan edi.