Aqtalyp shyqqan Aqtóbe ákiminiń orynbasary jalaqysyn tolyq óteýdi talap etti
2020 jyldyń sáýir aıynda Aqtóbe qalasy ákiminiń orynbasary Jangeldi Áýbákirov ustalyp, Qylmystyq kodekstiń «Senip tapsyrylǵan bóten múlikti ıemdenip alý nemese talan-tarajǵa salý» baby boıynsha tergeý júrdi.
Al 2021 jyldyń maýsym aıynda Aqtóbe qalalyq № 2 sotynda qala ákiminiń orynbasary Jangeldi Áýbákirov, qalalyq turǵyn úı-kommýnaldyq sharýashylyq bólimi basshysynyń mindetin atqarýshy Nurlan Dosov, merdiger mekeme basshysy S.Janasbaev, bas esepshi D.Dúısembı, jeke kásipker N.Mustafınge qatysty qylmystyq is qaraldy.
Jańa jyl kezinde bezendirý jumystaryna bólingen aqsha talan-tarajǵa túsip, memleketke 90 mln teńgeden astam zalal kelgeni aıtyldy.
«Sot Dosov pen Ábýbákirovti 7 jylǵa, Janasbaev pen Mustafındi 5 jylǵa bas bostandyǵynan aıyrý jazasyn taǵaıyndady. Dúısembıge 6 jylǵa bas bostandyǵynan aıyrý jazasyn taǵaıyndady. Onyń jas balasy bolýyna baılanysty jazasyn óteýdi 5 jylǵa keıinge qaldyrdy», - dep habarlady №2 qalalyq sottyń baspasóz qyzmeti.
Arada bir jyldan astam ýaqyt ótkende Aqtóbe oblystyq sotynyń qylmystyq ister jónindegi sot alqasy aqtaý úkimin shyǵardy.
ıAǵnı, sot otyrysynda aıyptaýshy tarap sottalýshylardyń senip tapsyrylǵan bóten múlikti qandaı jolmen asa iri mólsherde talan-tarajǵa salǵanyn dáleldeı alǵan joq.
Sotqa deıingi tergep-tekserý organdary sottalýshylardyń kinásin tolyq dáleldeıtin aıǵaqty usynbaǵandyqtan sot sottalýshylardy kinásiz dep tanydy.
Ári qylmystyq protsesti júrgizýshi organnyń zańsyz is-áreketterinen soń ońaltý jáne shyǵyndy ótetýge quqyǵy bar ekeni aıtyldy.
Aqtóbe qalalyq sotynda J.Áýbákirovtiń Qazaqstan Respýblıkasy Qarjy mınıstrliginen, Aqtóbe qalasynyń ákiminen 100 000 000 teńge kóleminde moraldyq zalaldy óndirý týraly talap qoıý aryzy qaraldy.
Sot sheshimimen talap ishinara qanaǵattandyrylyp, 5 000 000 teńge somasynda moraldyq zııan óndirildi. Keıin J.Áýbákirov sotqa qylmystyq protsesti júrgizetin organdardyń zańsyz áreketterinen keltirilgen zııandy óteý týraly ótinishpen júgindi.
Sottan ınflıatsııany eskere otyryp, oǵan 22 946 419 teńge mólsherinde joǵalǵan jalaqysyn óteýdi surady. Aqtóbe qalasynyń №2 sotynyń qaýlysymen ótinish qanaǵattandyrýsyz qaldyryldy.
«Apellıatsııalyq satydaǵy sottyń qaýlysymen aryz ishinara qanaǵattandyrylyp, QR Qarjy mınıstrliginen J. Áýbákirovtiń paıdasyna 12 404 702 teńge somasynda óndirildi. Sot aktisi zańdy kúshine endi», - dep habarlady Aqtóbe oblystyq sotynyń baspasóz qyzmeti.