«Aqtaldy, artynsha qaıta sottaldy»: Belgili bloger Dýman Erqanat qamaýǵa alyndy

<p>ASTANA. KAZINFORM &mdash; Qylmystyq ister jónindegi sot alqasy tanymal qarjy salasynda treıder,&nbsp; bloger Dýman Erqanatqa qatysty qylmystyq isti qarady. Bul týraly Joǵarǵy sot málim etti.&nbsp;</p>

Sot protsesi jabyq rejımde ótti.

Málim bolǵandaı, buǵan deıin ótken birinshi sottyń úkimimen Dýman qyz zorlady degen kúdikpen aıyptalyp, kináli dep tanylyp, oǵan 5 jylǵa bas bostandyǵynan aıyrý jazasy taǵaıyndalǵan bolatyn.

«Apellıatsııalyq saty birinshi satydaǵy sot úkiminiń kúshin joıyp, aqtaý úkimin shyǵarǵan. Qylmystyq is materıaldaryn zerdelegen alqa Dýmannyń kinási dáleldendi dep tanydy. Qorǵaýshy taraptyń dálelderi jınalǵan dáleldemelermen joqqa shyǵarylady», - delingen sot habarlamasynda.

Zań talaptaryna baılanysty basqa aqparat usynylmaıdy. Joǵaryda aıtylǵandardyń negizinde kassatsııalyq alqa aqtaý úkimin buzyp, birinshi satydaǵy sottyń aıyptaý úkimin kúshinde qaldyrdy.

Qyz zorlady degen kúdikke ilingen bloger birneshe kún buryn Instagram-daǵy paraqshasyna jazba jarııalap, jazylýshylaryna mán-jaıdy túsindirgisi keletinin jetkizgen edi. Onyń aıtýynsha, 2022 jyldyń 4 jeltoqsanynda túngi  22.30 shamasynda qyzdyń ózi habarlasyp, ne istep jatqanyn suraǵan. Fılm qarap jatqanyn aıtqan blogerge qyz keletinin jazyp, birden kóligimen úıine ózi kelgen. 22.50 shamasynda Dýmanǵa óz erkimen jetip kelgen boıjetken tósekke yńǵaı tanytyp, qalaýyn bildirgen. Alaıda, arada eki saǵat ótkennen keıin boıjetken polıtsııaǵa «meni zorlady» dep shaǵymdanyp, blogerden qomaqty qarajat talap etken.