Aqsýda kópqabatty úıdiń terezesinen qulaǵan áıel aǵash butaǵyna ilinip aman qaldy

<p>PAVLODAR. KAZINFORM -Qutqarýshylar ony úshıindi baspaldaq arqyly tómen túsirip alǵan. Jedel járdem brıgadasy áıeldi aýrýhanaǵa jetkizdi.</p>

Aqsý qalasyndaǵy bes qabatty úıdiń úshinshi qabatyndaǵy terezeden áıel adam qulap ketti.

34 jasar áıeldiń baǵy bar eken, ol tereze aldynda ósip turǵan jýan aǵashtyń butaǵyna ilinip aman qalǵan. 

«Pavlodar oblysynyń Aqsý qalasynda bes qabatty turǵyn úıdiń janynda, úshinshi qabattaǵy páterden qulaǵan 1990 jyly týǵan áıel qutqarýshylar kúshimen aǵashtan túsirildi. Qutqarýshylar úshıindi baspaldaqtyń kómegimen kóterilip, qutqarylǵan áıeldi jedel járdem brıgadasyna tapsyrdy», - dep habarlady QR Tótenshe jaǵdaılar mınıstrliginiń baspasóz qyzmetinen.

Eske sala keteıik, buǵan deıin Ekibastuzda úsh jasar bala terezeden qulap ketken edi.