Aqsýatqa tikushaq tamaq pen dári-dármek jetkizdi

<p>SEMEI. KAZINFORM - Abaı oblysynyń Aqsýat aýdanyna tikushaqpen azyq-túlik jáne dári-dármek jetkizildi. Bul jaıynda oblys ákimdiginiń baspasóz qyzmeti habarlady.&nbsp;</p>

Tikushaqpen gýmanıtarlyq kómek Kindikti, Úshtóbe, Qyzylkesik aýyldaryna jetkizildi.

Sondaı-aq, jergilikti turǵyndarmen kezdesý ótti.

Foto: Abaı oblysy ákimdigi

Kindikti aýylyna 40 qap un, 50 kg maı, 300 kg makaron jáne dári-dármek, al Úshtóbe aýylyna 40 qap un, 300 kg makaron jáne maı, qant jáne basqa da qajetti zattar jetkizildi. 

Foto: Abaı oblysy ákimdigi

Eske sala keteıik, Abaı oblysynda keıingi kúnderi tasqyn sý talaıdyń mazasyn qashyrdy. 

Jer jibip qatyp, dambylar men eldi mekenderdi qyzyl sý basty.

Foto: Abaı oblysy ákimdigi

 Aıagóz jáne Aqsýat aýdandarynda qaýipsizdik maqsatynda turǵyndar arnaıy daıyndalǵan evakýatsııalyq pýnktilerge kóshirilgen edi.

Foto: Abaı oblysy ákimdigi

Qazirgi ýaqytta olar úılerine qaıtyp jatyr. 

Keshe Aqsýat aýdanynda tótenshe jaǵdaı jarııalandy.