«Aqsý» fýtbol komandasy Premer-lıgada oınamaıtyn boldy

<p>PAVLODAR. KAZINFORM -&nbsp; Fýtbol komandasy chempıonattyń Birinshi lıgasynda óner kórsetedi. Mundaı sheshim klýbtaǵy qarjylyq qıyndyqtarǵa qatysty qabyldandy.</p>

Pavlodar oblysy Dene shynyqtyrý jáne sport basqarmasy «Aqsýdyń» Premer-lıgada oınaı almaıtynyn habarlady.

Ótken jylǵy maýsymda pavlodarlyq klýb elıtalyq dıvızıonda 14-orynnan kóringen. Soǵan sáıkes, oıynshylar Birinshi lıgaǵa túsirildi. Deıturǵanmen bıylǵy aqpan aıynda «Maqtaaral» komandasy fýtbol klýbtaryn lıtsenzııalaý boıynsha ereje talaptaryn oryndamaǵany úshin joǵary chempıonattan shettetilip, ornyna «Aqsý» shaqyrtylǵan. Alaıda komandamyz Premer-lıgada oınaýǵa qabiletsizdigin baıqatyp otyr.

«Klýb basshylyǵy 2023 jylǵy maýsym úshin oıynshylardyń eńbekaqysyn tolyq jaýyp úlgermegen ári ózge de qarjylyq qıyndyqtary bar. Soǵan sáıkes, 2024 jylǵy Premer-lıgaǵa qatysa almaıdy», - dep málimdedi óńirlik sport basqarmasynan.