«Aqsý» fýtbol klýbyna bas bapker taǵaıyndaldy

ASTANA. QazAqparat - Pavlodar oblysynyń «Aqsý» fýtbol klýbyna bas bapker qyzmetine Vahıd Masýdov taǵaıyndaldy, dep habarlaıdy QazAqparat tilshisi.

Vahıd Masýdov 1959 jyly 10 qazanda dúnıege kelgen. 1977-1997 jyldarda Qazaqstan, Reseı jáne Germanııa klýbtarynda dop tepti.

Toqsanynshy jyldardan bastap elimizdiń «Taraz», «Atyraý», «Aqjaıyq», «Qaırat», «Vostok», «Ordabasy», «Lokomotıv», «Aqtóbe», «Maqtaral» klýbtarynda bapkerlik qyzmette boldy. Sondaı- aq, 2001-2002 jyldarda ulttyq qurama tizginin ustady. Qazaqstan jastar quramasyna da jetekshilik jasady.

Ol 2022-2023 jyldarda qaraǵandylyq «Shahter» jáne 19 jasqa deıingi Qazaqstan jasóspirimder quramasyna jetekshilik jasady.

Aıta ketsek, buǵan deıin atalǵan qyzmetti atqarǵan ýkraınalyq maman Rýslan Kostyshın qyzmetinen ketti.

Eske salsaq, budan buryn Qazaqstan kýbogynyń shırek fınalyna shyqqan barlyq komanda belgili boldy.