Aqsý ferroqorytpa zaýytynyń eki mashınısi kúıip qaldy

<p>PAVLODAR. KAZINFORM - Zardap shekkenderdiń bireýi jergilikti aýrýhanaǵa jatqyzylǵan. Eńbek basqarmasy jumys berýshige qatysty tergeý sharalary uıymdastyrylatynyn habarlady.</p>

Aqsý qalasyndaǵy ferroqorytpa zaýytynyń eki mashınısin jumys ústinde termııalyq kúıik shalǵan.

«24 mamyr kúni Aqsý ferroqorytpa zaýytynda jumys kezinde eki kran mashınısin termııalyq kúıik shaldy. Zardap shekkenderdiń biri Aqsý ortalyq aýrýhanasyna jetkizilse, biri medıtsınalyq tekseristen keıin úıine qaıtaryldy. Oqys oqıǵa týraly memlekettik organdarǵa habarlanyp, mán-jaıy anyqtalyp jatyr. Kompanııa qyzmetkerge barlyq qajetti kómekti kórsetedi», - dep málimdedi ferroqorytpa zaýytynan.

Pavlodar oblysy eńbek basqarmasy basshysynyń mindetin atqarýshy Abylaı Sabyrov jazataıym oqıǵaǵa qatysty tergeý sharalary uıymdastyrylatynyn habarlady. Onyń qorytyndysy boıynsha keleńsiz jaıttyń sebep-saldary anyqtalady.